من روائع الشاعر : محمد علي (رئيس جمعية مبدعي الغد)
مابين حبيبـــين
وتاخدنى اللهفه مابين الذكرى
وبين المـــد
بلاد واخدانا بجد سنيــن
ولا قادره قلوبنا تقول الآه
أو حتى تدوب
فيدوب الحرف الساكن جوه تابوت
القلب
يشق ضلام الليل
فيقوم الفجر يصبّح يملا فراغ الكون
مواويل
مكتوب يافراق
من وقت ما حنّت روحى تصالح فى
العشاق
وتشق الصمت بصوت الهمس براح
يتلون مره بلون الورد الدايب حب
ومره بلون الخد الساحريسحر كل كلام الشعر
ويفتح بينى وبينى العمر الهارب من
دنيتنا ملاحم تقدر تنهى الحزن
الساكن جوّه الروح
يابلاد بتسافر فيّا
وتغدر كل ماباقدر أَوفى
ما تبدأ غير من جُوّه بنانى الشوق
مسروق العمر بيهرب منى ولا يعود
ليش
بياخدنى حنين
وساعات باشتاق للكلمة الدايبة مابين حبيبـــين
ليست هناك تعليقات :
إرسال تعليق